POESIA

Asprumunti (Aspromonte)

La poesia "Asprumunti" di Napoleone Vitale, è dedicata appunto all'Aspromonte, "a Muntagna", come popolarmente la gente chiama l'Aspromonte esprimendo con questo termine, apparentemente generico, tutta la familiarità e la "devozione" con la quale la gente del territorio grecanico si rivolge all'Aspromonte; quasi come il pensiero che si riferisce ad una madre! e che Vitale ha saputo esprimere in modo veramente supremo nel verso "... e dormi, dormi ca lu sonnu veni.." una formula compositiva presente in tutte le ninne nanne che le madri calabresi usavano cantare ai propri figli.
Napoleone Vitale, poeta e scrittore di Bova, punto geografico e culturale d'eccellenza della Calabria grecanica, ha saputo rendere attraverso le sue opere la sua aderenza al senso culturale e storico della calabresità.
La sua poesia ovviamente è scritta in dialetto bovese.
Asprumunti

Non 'ndavi cchiù restuccia a la campagna
ora chi agustu bampa la marina;
o pecuraru, re di la muntagna,
dassa lu chianu e pigghia la pendina

'Nta na bertula menti pochi pani,
cunta e ricunta pecuri e muntuni,
'rringa la mandria avanti cu li cani,
arretu vanci tu cu lu bastuni.

E camina, camina, pecuraru.....
sarta li timpi e passa li ghiumari:
cu sapi quantu tempu t'aspettaru
li cosi chi dassasti a li pagghiari!

Non ti fermari, sèguita la strata,
fina ca non arrivi a 'nu strapunti,
d'undi 'nu munti, arretu 'na votata,
jisa la testa e scombogghia la frunti.

Vicinu a tia 'na stroffa di zappini
a lu surinu li capiddhi sprundi;
e poi luntanu chi non pari fini
lu celu cu lu mari si cunfundi.

Persu 'ntra l'aria, all'occhi toi davanti,
Asprumunti ti guarda e resta mutu:
pari 'nu vecchiu, pari 'nu giganti,
pari 'nu santu. Fanci lu salutu!

Dinci: ora e sempri beniditta sia
l'ura chi mi cunsula e m'accumpagna,
santu Asprumunti: si luntanu jia,
surda era l'aria e la terra sulagna.

Ma ora chi ti viju, e la to' buci
mi porta li carizzi di lu ventu,
fazzu lu signu di la santa cruci,
e a l' umbra tua
mi curcu e mi ddormentu

E dormi, dormi, ca lu sonnu veni
dopo vintiquattr'uri di caminu.
E non nci faci nenti si non teni
'nu matarazzu musciu e 'nu coscinu.

Quandu nci su li fogghi di la serra,
e 'nta li fossi non luci lu jelu,
non ndavi lettu megghiu di la terra,
non c'è suffittu megghiu di lu celu!

per le altre poesie cliccare QUI